Azərbaycan çempionatının I divizionunda mübarizə aparan “Göyəzən” klubu cəzalanıb. Apasport.az saytının məlumatına görə, buna Qazax təmsilçisinin meydanı özbaşına tərk etməsi səbəb olub.

VII turun “Göyəzən” – “Şəmkir” matçının 78-ci dəqiqəsində meydan sahibləri oyunu davam etdirməkdən boyun qaçırıblar. Lakin meydançanı özbaşına tərk edən komanda 2 dəqiqə sonra geri qayıdıb və matçı başa çatdırıb.

“Göyəzən”in bu hərəkəti AFFA-nın İntizam Komitəsində müzakirə olunub. Qazaxlılar oyunun yenidən bərpa olunmasına baxmayaraq, 1000 manat cərimələnib. Kluba bu halın yenidən təkrarlandığı halda daha ağır cəzalanacağı ilə bağlı xəbərdarlıq da edilib.

• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI
• Yığmamızın oyunu norveçlilərə həvalə olunub
• Günün canlı yayımlanacaq matçları - TV AFİŞA