Azərbaycan Premyer Liqasının XXV turu çərçivəsində baş tutan “Qarabağ” – “Qəbələ” matçını izləyənlər arasında kikboksinqin WBC versiyası üzrə dünya çempionu, azərbaycanlı idmançı Zabit Səmədov da var idi.
Matç başa çatdıqdan sonra “Mauqli” qısa açıqlama verib.
- Futbola tez-tez gedirsiz?
- Azərbaycanda ilk dəfə idi ki, stadionda futbola baxırdım. “Qarabağ”a azarkeşlik edirdim. Komandanın rəhbərliyi tərəfindən dəvət edilmişdim. Bu komanda Avropada çox səs gətirdi. Uğurlar arzulayıram.
- Bu iki rəqib arasında bir ay sonra yenə oyun olacaq. Həm də Naxçıvanda. Həmin matçda da sizi stadionda görə bilərik?
- Sözün açığı, Bakıda o qədər qalmayacam. Bir də Avropadakı oyunlarında gələrəm. Azərbaycan oynayan hər komandanı dəstəkləyirəm. “Qəbələ”, “Neftçi”, “Qarabağ” və ya digər fərqi yoxdu.
- Milli komandanı izləyirsiz?
- Əlbəttə, milli bizim ümid yerimizdi. Onu hər adam dəstəkləməlidi.
- Beynəlxalq aləmdə kimə azarkeşlik edirsən?
- Konkret azarkeşlik etdiyim klub yoxdu. Bir dəfə Çempionlar Liqasının finalında “Atletiko” ilə “Real”ın matçını stadionda izlədim. “Atletiko”nun qalib gəlməsini istəyirdim, ancaq alınmadı.
Oxşar xəbərlər
Ana səhifə
Bütün xəbərlər
Hesabım