Bu gün Topaz Premyer Liqasının XI turunda səfərdə “Sumqayıt”la qolsuz bərabərə qalan “İnter” qələbəsiz oyunlar seriyasını davam etdirir. Apasport.az saytının məlumatına görə, 0:0 hesabı ilə başa çatan qarşılaşmada “bankirlər” 5-ci dəfə 1 xalla kifayətləniblər.

Bundan başqa, Kaxaber Sxadadzenin yetirmələri meydanı ardıcıl 4-cü dəfə 0:0 hesabı ilə tərk edib.

Sonuncu dəfə (VI tur) “Bakı”nı evdə darmadağın (7:0) edən “İnter” AZAL-la (1:1) səfər oyununda Mikel Alvaronun qolundan sonra rəqib qapılarına top vurmaqda çətinlik çəkir.

Qeyd edək ki, “İnter” VII turda AZAL-la 1:1 hesablı heç-heçə edib. Daha sonra “Simurq”un, “Neftçi”nin, “Qarabağ”ın müqaviməti ilə üzləşib.

• “Liverpul”da nəhəng müqavilə: ”TURKİSH AİRLİNES”
• İlin ən yaxşı futbolçusu adına namizədlər açıqlanıb
• “Trabzonspor”dan Vitor Pereyra həmləsi – Danışıqlar başlayıb
• Türk Hava Yolları “Liverpul”a sponsor oldu - 5 il üçün 300 milyon funt
• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”