“Kəpəz”ə ciddi yanaşırıq. Bilirik ki, rəqibimiz zəif deyil”. Apasport.az saytının məlumatına görə, bu sözləri “Admira” klubunun futbolçusu Ştefan Çvirşiç deyib.
Avropa Liqasının II təsnifat mərhələsinin cavab oyunları çərçivəsində “Admira” sabah “Kəpəz”in qonağı olacaq. Matçdan öncə keçirilən mətbuat konfransında qonaqların futbolçusu Çvirşiç də iştirak edib. O, matçın çətin keçəcəyini bildirib: “Rəqib evdə fərqli oyun göstərəcək. Məşqçimiz dediyi kimi, top saxlamağa çalışacağıq. Ola bilsin ki, Bakıdakı isti hava şəraiti “Kəpəz” üçün kiçik üstünlük olsun. Amma bu, bizim üçün bəhanə olmamalıdı. Əlimizdən gələni edəcəyik ki, qələbə bizim olsun və mərhələ adlayaq”.
Qeyd edək ki, “Dalğa Arena”da keçiriləcək “Kəpəz” – “Admira” matçı saat 20:00-da start götürəcək.
Oxşar xəbərlər
Ana səhifə
Bütün xəbərlər
Hesabım