Türkiyənin PTT I liqasında IX turun oyunları keçirilir. Apasport.az saytının məlumatına görə, millimizin müdafiəçisi Mahir Şükürovun çıxış etdiyi “Karşıyaka” səfərdə “Adana Dəmirspor”un qonağı olub.
Matç meydan sahiblərinin 2:1 hesablı qələbəsi ilə başa çatıb.
Bu görüşdə Mahir iştirak etməyib. 32 yaşlı müdafiəçi millimizin AVRO-2016-nın seçmə mərhələsi çərçivəsində keçiriləcək Norveçlə oyuna hazırlaşır. Şükürov bu gün U-21 yığmamızla matçda meydana start heyətdə çıxıb və 24-cü dəqiqədə penaltidən fərqlənərək, qarşılaşmada hesabı açıb. O, fasilədən sonra Qara Qarayevlə əvəzlənib.
Qeyd edək ki, 2 oyunluq fasilədən sonra yenidən millimizə çağırılan Mahir Şükürov Bakıya erkən (noyabrın 4-ü) qayıdıb. Bunu səbəbi isə rəsmi debüt etdiyi I turda sabiq komandası olan “Antalyaspor”a görüşdə, VI turda “Qaziantep BB”, VII turda “Manisaspor” və VIII turda “Samsunspor”la görüşlərdə sarı vərəqə almaqla cəzalı duruma düşməsi olub.
Oxşar xəbərlər
Ana səhifə
Bütün xəbərlər