“Rəqibin bura gəzməyə gəlmədiyini bilirdik. 3 gün öncədən gəlmişdilər”. Apasport.az saytının məlumatına görə, bunu “Neftçi”nin baş məşqçisi Vəli Qasımov deyib.
Avropa Liqasının birinci təsnifat mərhələsi çərçivəsində ilk görüşdə “Baltsan” üzərində Maltada 2:0 hesablı qələbə qazanan paytaxt təmsilçisi evdə məğlub olsa da, turu keçən tərəf olub.
Qasımov qarşılaşmadan sonra baş tutan mətbuat konfransında komandasının çıxışını dəyərləndirib: “Bu gün ikinci hissədə əziyyət çəkdik. Xüsusən də, qoldan sonra özünəinamı itirdik. Bir az bəxtimiz gətirdi. Komanda yenidi, inanıram ki, getdikcə vəziyyət düzələcək”.
- Belə oyunla nəyə ümid edirsiz?
- İlk oyunda daha yaxşı oynamışdıq. 5-6 qol vura bilərdik. Onlar burda hücum futbolu oynadılar. Bütün matçlar eyni olmur.
- Müdafiə ilə yarımmüdafiiə arasında əlaqə yox idi. Bu problemi necə yoluna qoyacaqsız?
- Uşaqların yorulmağı normaldı. Düzdü, orta sahədə anlaşmazlıq var idi. Hücumda oynayanlar köməyə lazımınca gəlmədilər.
- Bəlkə futbolçular rəqibə ciddi yanaşmadılar?
- Maltadan gələndən danışırdıq ki, ciddi yanaşmaq lazımdı. İkinci hissədə bu baxımdan bir qədər əziyyət çəkdik.
- Müdafiədə sanki boşluqlar var idi...
- Bəzi oyunçular topu ayaqlarında çox saxlayırdılar. Amma müdafiədə böyük problem yox idi. Onlar da topu irəli vururdular, hücumçuları da ucaboy olduğundan, rahat oynayırdılar.
- Rəqib penaltini vura bilsədi, “Baltsan” mərhələ adlaya bilərdi. Belə olsaydı, nə şərh gətirəcəkdiz?
- Çox pis. Məncə, biz yaxşı yoldayıq. Bu gün əsas odu ki, mərhələ adladıq. Komandaya bir qədər vaxt lazımdı.
- Yeni transfer olacaqmı?
- Hücumçu axtarırıq. İstəyirik bir hücumçu alaq. İrəlidə qol vuran yoxdu.
- Ruslan Qurbanovun əvəzinə Cavid İmamverdiyevi meydana buraxmağınız nə ilə bağlı idi?
- Topu ayaqda saxlamağı düşündük. Cavid də bunu bacaran oyunçudu. Bu dəyişikliklə sırf topa nəzarət etmək məqsədi güdürdük.
Oxşar xəbərlər
Ana səhifə
Bütün xəbərlər
Hesabım