Əfran İsmayılov Azərbaycan millisinin tarixinə azsaylı dubl müəlliflərindən biri kimi düşüb. Apasport.az saytının məlumatına görə, yarımmüdafiəçi DÇ-2018-in seçmə mərhələsinin San-Marino ilə qarşılaşmasında 2 qol vurub.

Bu, Azərbaycan yığmasının tarixində yubiley – 10-cu dubldu. Belə ki, indiyədək komandamızın üzvləri 9 dəfə dubla imza atmışdı.

Sonuncu belə hadisə 2015-ci il sentyabrın 6-da yaşanıb. Həmin vaxt Rahid Əmirquliyev Maltada meydan sahibləri ilə görüşdə 2 qola imza atıb.

Ümumilikdə isə 10 dubla 9 oyunçu müəlliflik edib. Yalnız Qurban Qurbanov 2 dəfə bunu bacarıb. Rahidlə Əfrandan başqa, Nazim Süleymanov, Ruslan Lukin, Vladislav Qədirov, Nadir Nəbiyev, Samir Əliyev, Rüfət Dadaşov millinin heyətində dubla sevinib.

Maraqlıdı ki, yığmamızın tarixində indiyədək het-trik olmayıb. Futbolçularımız üçün bir qarşılaşmada maksimum 2 qoldu ki, bunu da 9 nəfər bacarıb.

Lakin San-Marino ilə görüşdə tarixi hadisə, bir ilk reallaşa bilərdi. Çünki artıq 57-ci dəqiqədə dublunu rəsmiləşdirən Əfranın 3-cü qol üçün əsas vaxtın 33 dəqiqəsi olub. Amma yığmamızın baş məşqçisi Robert Prosineçki 62-ci dəqiqədə İsmayılovu əvəzləyib.

Hərçənd, rəqibin çox zəif olması, Əfranın isə qol duyumunun açılması het-trik gözləməyə əsas verirdi. Amma xorvatiyalı rekordlarla zəngin görüşdə bunun da yaşanmasına mane oldu.

• Kontedən “Tottenhem” etirafı: “Məni dəli edən məhz bu idi”
• Arda Gülərdən tarixi rekord – 100 milyon avroya çatdı
• Yasin Kolun həbs olunması tələb edildi - YENİLƏNİB
• İnyesta: “Yamalın etdikləri normal deyil”
• Jorje Jezuş: “Ronaldoya ehtiyacım var”