Ötən mövsümü uğursuz keçirən “Neftçi” heyətində “təmizləmə işləri”ni davam etdirir. Apasport.az-ın klubun rəsmi saytına istinadən məlumatına görə, paytaxt təmsilçisi daha 4 yerli oyunçusu ilə bağlı qərarını verib.

Yarımmüdafiəçi Eltun Yaqublu ilə müqaviləyə qarşılıqlı razılaşma əsasında xitam verilib. Digər 3 futbolçu Aqşin Qurbanlı, Orxan Qurbanlı və Təyyar Məmmədov icarəyə veriliblər. Müqaviləyə görə Aqşin və Orxan qarşıdakı 1 ili, Təyyar isə 6 ayı "Səbail”də keçirəcəklər.

Qeyd edək ki, yay fasiləsində yalnız Səlahət Ağayevi transfer edib, Mirabdulla Abbasovu geri qaytaran “Neftçi” Cavid İmamverdiyev, Mahir Şükürov, Kamal Qurbanov, Murad Ağayev, Ruzi Qiyaslı, Jairo Rodriges və Maksim Vaylo ilə vidalaşıb.

• “Fənər” gənc ulduzu ilə müqavilə yeniləyəcək
• Avropa Liqası: "Reyncers" - "Fənərbaxça" matçının hakimi müəyyənləşdi
• “Trabzonspor” türkiyəli mütəxəssislə razılaşdı
• “Real”ın üzvü “Siti”nin hədəfində
• “Bayer”də ciddi itki