“Neftçi” klubunun əvəzedici komandasına yeni baş məşqçi təyin olunub. Apasport.az saytının məlumatına görə, bu post bundan əvvəl “ağ-qaralar”ın U-19 komandasını çalışdırmış Samir Əliyevə tapşırılıb.

Əliyev hazırda AFFA-nın təşkil etdiyi “A” kateqoriyalı məşqçilik kurslarında iştirak etdiyindən, əvəzediciləri “Xəzər Lənkəran”la sabah keçiriləcək oyuna məşqçi Səttar Əliyev çıxaracaq.

Bundan başqa, “Neftçi”nin U-19 komandasının baş məşqçisi vəzifəsinə isə Azər Bağırov təyin olunub.

Qeyd edək ki, paytaxt təmsilçisinin əvəzedicilərini bundan öncə Elşad Əhmədov çalışdırırdı. O, bir neçə gün öncə vəzifəsindən ayrılıb.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı