“Millinin oyunları ilə əlaqədar yaranmış fasilədən maksimum yararlandıq”. Apasport.az saytının məlumatına görə, bu sözləri “Zirə”nin baş məşqçisi Adil Şükürov deyib.

Topaz Premyer Liqasının VIII turunda “Neftçi”ni qəbul edən paytaxt klubu meydandan 2:0 hesablı qələbə ilə ayrılıb. Matçdan sonra mətbuat konfransı keçirən Adil Şükürov bunları deyib: “Neftçi”nin boşluqlarını bilirdik. Onlardan yararlanmağa çalışdıq. Hələ çox işləmək lazımdı. Düşündük ki, “Neftçi” 10 nəfərlə qalandan sonra irəli çox atılacaq. Özünüz də bunun şahidi oldunuz. Bundan əlavə, bəzi futbolçularımızda yorğunluq var idi. Hücuma çıxmaqda bir az problemlərimiz oldu”.