Azərbaycanı Çempionlar Liqasında təmsil edəcək “Qarabağ”ın ilk oyununun təyinatları məlum olub. Apasport.az saytının məlumatına görə, UEFA Ağdam klubunun II təsnifat mərhələsində “Düdelanj”la ilk görüşünün hakimlərini açıqlayıb.

İyulun 12-də Tofiq Bəhramov adına Respublika stadionunda baş tutacaq matçı israilli hakimlər briqadası idarə edəcək. Lüksemburqlularla görüşdə ədalət təmsilçisi Orel Qrinfild olacaq. Ona Danni Krasikov və İdan Yarkoni kömək edəcəklər. Menashe Masiah qarşılaşmada 4-cü hakim funksiyasını yerinə yetirəcək.

Bakıdakı oyunda hakimlərin işinə hakim-inspektor kimi serbiyalı Zdravko Yokiç qiymət verəcək. Görüşün UEFA nümayəndəsi isə ukraynalı  Vladimir Çorno olacaq.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa