[b]“Qarabağ” “Qəbələ”ni keçdi[/b]

17.11.2014 - 13:58

“Araz-Naxçıvan”ın fəaliyyətini dayandırması əvəzedicilərin çempionatına da təsir edib. Apasport.az saytının məlumatına görə, bölgə təmsilçisinin burada keçirdiyi 10 görüşün nəticəsi ləğv olunub.

1 qələbə, 2 heç-heçə və 7 məğlubiyyəti olan Naxçıvan klubunun rəqibləri onlarla matçlarda qazandıqlarından məhrum olub. “Qəbələ” 4, “Neftçi” 1, digər komandalar 3 xalla vidalaşıb. “Araz-Naxçıvan”a uduzan “Sumqayıt” isə komandaların sayının azalması sayəsində 10-cu yeri tərk edib. Bunun nəticəsində turnir cədvəlində “Qarabağ” “Qəbələ”ni, “Neftçi” AZAL-ı arxada qoyub.

Bombardirlər yarışında “üçhakimiyyətlik” yaranıb. Buna naxçıvanlıların vurduğu 9, buraxdığı 26 qolun da ləğv edilməsi səbəb olub. Mirsahib Abbasov 3, Fuad Məmmədzadə 1 dəfə naxçıvanlıların qapısına yol tapdığından onların qol sayı 7-yə enib.

N	Klublar	O	Q	H	M	T-F	X	*
1	İnter	10	6	2	2	25-13	20	4:3
2	Qarabağ	9	6	0	3	17-12	18	4:0
3	Qəbələ	9	6	0	3	13-12	18	4:1, 0:0
4	Simurq	10	5	2	3	20-11	17	5:0
5	Xəzər Lənkəran	10	5	2	3	16-13	17	4:0
6	Neftçi	9	3	2	4	14-15	11	1:1
7	AZAL	9	2	4	3	8-11	10	1:0
8	Bakı	10	2	1	7	19-21	7	2:1
9	Sumqayıt	10	0	3	7	9-33	3	1:3