Antalya hazırlıqları çərçivəsində “Qarabağ” sınaq matçında “Sarayeo” ilə qarşılaşıb (0:2). Bosniya və Hersoqovina təmsilçisinin qapısını qoruyan ağdamlıların keçmiş qapıçısı Boyan Pavloviç oyundan sonra apasport.az saytının suallarını cavablandırıb.
- Oyun haqqında fikirlərini bilmək istərdik...
- “Qarabağ”la qarşılaşmaq çox xoş oldu. Keçmiş klubum indi çox yaxşı vəziyyətdədi. Müsbət dəyişikliklər var. Çempionlar Liqasında oynamış komoanda ilə üz-üzə gəlməkdən məmnun oldum.
- Necə düşünürsən, nəticə oyuna görə oldu?
- Bu, yoldaşlıq oyunudu. Nəticə əsas deyil.
- Çempionlar Liqasında izləyirdinmi “Qarabağ”ı?
- Bəli, bütün oyunlarına baxdım. Bu, Azərbaycan futbolu üçün tarixi an idi. Qurban Qurbanov çox yaxşı baş məşqçidi və ona da uğurlar arzulayıram.
- ÇL oyunlarına baxarkən yenidən “Qarabağ”da olmağı arzuladınmı?
- (gülür) Nə deyə bilərəm? “Qarabağ” çox yaxşı oynadı, onlara yenidən ÇL-də çıxış etməyi arzulayıram.
- Oyunlar zamanı yaxın ətrafına “mən vaxtilə bu komandada oynamışam” deyib fəxr edirdinmi?
- Əlbəttə deyirdim. Orda oynamaq mənim üçün çox xoş idi.
- Bəs səndən soruşmadılar ki, niyə getdin o komandadan?
- Bu, çoxdanın söhbətidi, üstündən 5 il keçib. Belə lazım idi ki, ayrıldıq.
- Başqa belə bir vəziyyət yaranıbmı ki, sənin nə vaxtsa oynadığın komanda sonradan ÇL-də çıxış etsin?
- Xeyr, “Qarabağ” bunu bacaran yeganə komandadı.
Oxşar xəbərlər
Ana səhifə
Bütün xəbərlər
Hesabım