Topaz Premyer Liqasının XXIII turunda evdə “Qarabağ”ı qəbul edəcək “Kəpəz” qarşıdakı oyun üçün məşqlərini davam etdirir. Apasport.az saytının məlumatına görə, “sarı-göylər” görüşə itkilərlə hazırlaşır.

Belə ki, sarı vərəqə limitini dolduran Samir Zərgərov və zədədən sonra müalicəsini davam etdirən Dedimar Ferreyra Ağdam klubu ilə görüşdə komandaya kömək edə bilməyəcək.

Gəncəlilərin digər zədəli futbolçusu Dieqo Souzanın vəziyyəti isə yaxşıdır. Yarımmüdafiəçi komanda ilə məşqlərdə iştirak edir.

“Kəpəz”in “Qarabağ”la oyunöncəsi son məşqi sabah saat 11:00-a təyin olunub. Gəncə şəhər stadionunda keçiriləcək hazırlıq prosesi mətbuat və azarkeşlər üçün açıq olacaq.

• Konseysaonun gələcəyi müəyyənləşdi - Komandadan göndəriləcək
• Alba daha 2 il “İnter Mayami”də - RƏSMİ
• Premyer Liqa: Mövsümün ən yaxşı baş məşqçisi üzrə namizədlər açıqlanıb
• Sabiq “Milan”lı İspaniya klubundan ayrılacaq
• “Beşiktaş” Türkiyə millisinin üzvü ilə maraqlanır