Azərbaycan kubokunun 1/4 final mərhələsində “Bakı”nı hər iki matçda (3:0, 4:1) böyük hesabla məğlub edən “Qarabağ” buna nail olan 3-cü komanda olub. Apasport.az saytının məlumatına görə, 1992-ci ildən start götürən ölkə kuboku tarixində bunadək yalnız iki dəfə 1/4 finalda eyni komanda hər iki görüşdə 3 və ya daha çox top fərqilə qalib gəlib.
1994/95 mövsümündə “Neftçi” paytaxt derbisində “İnşaatçı”dan üstün olub – 5:1. 2000/01 mövsümündə isə “Dinamo-Bakılı” (indiki “Bakı”) “Real”a gücünü göstərib – 4:0, 3:0.
Bu dəfə 1/4 finalın 8 oyunundan 4-də böyükhesablı nəticə qeydə alınıb. “Qarabağ”dan başqa, “İnter” “Xəzər Lənkəran”la, “Simurq” isə “Qəbələ” ilə səfər oyununda 3 cavabsız qol vurub. Bir mövsümdə 1/4 finalda 4 böyükhesablı nəticənin qeydə alınması isə ölkə kuboku tarixinin rekordudur. İndiyədək ən çox – 3 belə hesab 1994/95, 2000/01 və 2003/04 mövsümlərinin 1/4 finalında qeydə alınıb.
Qeyd edək ki, “Bakı” üzərində qələbə “Qarabağ”ın Azərbaycan kubokunda 25-ci səfər qələbəsi ilə, matçdakı sonuncu top rəqib meydanlarında 70-ci qolla da əlamətdar olub.
Oxşar xəbərlər
Ana səhifə
Bütün xəbərlər