Avropa Liqasının III təsnifat mərhələsində “Qarabağ”ın rəqibi olan “Şerif” heyətini gücləndirib. Apasport.az saytının məlumatına görə, Moldova çempionu xorvatiyalı müdafiəçi Ante Kuluşiçlə müqavilə bağlayıb.

31 yaşlı futbolçu Tiraspol təmsilçisinin bu yay 8-ci transferi olub. Kuluşiçin keçidini “Şerif” rəsmən açıqlayıb.

Peşəkar karyerasına “Sibenik”də (Xorvatiya) başlayan Kuluşiç karyerasının böyük hissəsini Türkiyədə keçirib. O, “Hacettepe”, “Gənclərbirliyi” və “Balıkesirspor” klublarında çıxış edib. Türkiyə çempionatında 200-ə yaxın oyun keçirən Ante 15 qola imza atıb.

Qeyd edək ki, “Şerif”in “Qarabağ”la Bakıda keçirdiyi ilk oyun qolsuz bərabərliklə nəticələnib. Bu komandalar arasındakı cavab matçı isə sabah Moldovada baş tutacaq. 

• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı
• “Real” Haaland transferində “Barselona”nı qabaqlayır