[b]“Qəbələ” “Zirə”ni yenə cəzalandıracaq?[/b]

08.04.2018 - 12:10

“Qəbələ” Topaz Premyer Liqasının XXII turunun bu gün keçiriləcək oyununda “Zirə” ilə qarşılaşacaq. Apasport.az-ın “qırmızı-qaralar”ın rəsmi saytına istinadən məlumatına görə, Zirə İdman Kompleksinin meydanında baş tutacaq matç rəqiblər arasında 14-cü duel olacaq.

İlk dəfə 2015-ci ildə qarşılaşan komandalar indiyədək 13 oyunda üz-üzə gəliblər. Görüşə qədər “Qəbələ” daha çox – 6, “Zirə” isə 3 qələbə qazanıb. 4 qarşılaşmada qalib müəyyənləşməyib.

“Qırmızı-qaralar” top fərqində də üstündü. Komanda 21 qol vurub, 12-ni buraxıb. “Qəbələ”nin qollarına 14 oyunçu imza atıb. Aleksey Qay hamıdan çox - 4, Ermin Zets 3, Teo Uiks və Filip Ozobiç isə hərəyə 2 qola sevinib. Ümumiyyətlə, son 11 matçda “Qəbələ” meydanı qol vurmadan tərk etməyib.

Keçirilən 13 oyundan 11-i çempionat, 2-si kubok çərçivəsində baş tutub. Premyer Liqada 4 qələbə qazanan bölgə təmsilçisi eyni sayda heç-heçə edib və 3 dəfə uduzub. “Zirə”nin qapısına 14 dəfə yol tapan komanda rəqibin 10 qoluna üzülüb.

Səfərdə 7-ci dəfə “Zirə”ylə qarşılaşacaq “Qəbələ” rəqib meydanında 3 dəfə qalib gəlib, 1 heç-heçə edib və 2 dəfə məğlub olub. Səfərdə 10 dəfə qol sevinci yaşayan “Qəbələ” futbolçuları 6 top buraxıb.

Qeyd edək ki, bu gün Zirə İdman Kompleksində keçiriləcək “Zirə” - “Qəbələ” matçı saat 16:30-da başlayacaq.

2015/16 mövsümü

25.10.2015. Premyer Liqa. Qəbələ - Zirə (Bakı) - 0:0

16.12.2015. Premyer Liqa. Zirə - Qəbələ - 1:0

Nicat Qurbanov, 24

02.03.2016. Azərbaycan kuboku. Zirə - Qəbələ - 1:2

Nelson Bonilla, 77 // Aleksey Qay, 75; Dodo, 84

09.03.2016. Azərbaycan kuboku. Qəbələ - Zirə (Bakı) - 5:1

Aleksey Qay, 5, 12; Rəşad Sadiqov, 17; Rəşad Eyubov, 65; Ermin Zets, 79 // Nurlan Novruzov, 36

13.03.2016. Premyer Liqa. Qəbələ - Zirə (Bakı) - 1:2

Aleksey Qay, 17 // Nelson Bonilla, 40, 84

07.05.2016. Premyer Liqa. Zirə - Qəbələ - 0:3