Topaz Premyer Liqasının XXII turunda “Zirə”nin qonağı olan “Qəbələ” itki ilə üzləşib. Apasport.az saytının məlumatına görə, “qırmızı-qaralar”ın qapıçısı Dmitri Bezotosnı sıradan çıxıb.

Qarşılaşmanın əvvəllərində rəqib futbolçu ilə toqquşma nəticəsində xəsarət alan ukraynalı qolkiper meydanda qalsa da, mübarizəni sona qədər davam etdirə bilməyib. Bir neçə dəqiqə axsayaraq çərçivədə dayanan Bezotosnı, nəhayət ki, 26-cı dəqiqədə əvəzlənib. Baş məşqçi Roman Qriqorçuk həmyerlisini Aqil Məmmədovla əvəzləyib.

Qeyd edək ki, hazırda ilk hissəsi gedən “Zirə” – “Qəbələ” görüşündə hesab açılmayıb.

• Ernandesdən "Milan" qərarı
• Dalota İspaniyadan müştəri
• "Bavariya" Noyerə iki əvəzləyici tapıb
• “Arsenal”dan Çempionşipə
• “Torino”da yeni müqavilə