Topaz Premyer Liqasının V turu çərçivəsində bu gün AZAL-ı qəbul edəcək “Qəbələ” oyuna itkilərlə çıxacaq. Apasport.az saytının məlumatına görə, baş məşqçi Roman Qriqorçuk bu görüşdə 2 futbolçunun xidmətindən məhrum olacaq.
Söhbət Elvin Camalov və Nika Kvekveskiridən gedir.
“Neftçi” ilə çempionat oyununda əzələsi dartılan Camalov məşqlərdə başlasa da, həkimlər onun AZAL-a qarşı oynamasına icazə verməyiblər. Elvin növbəti turdan etibarən “qırmızı-qaralar”a kömək edə biləcək.
“Qəbələ”nin gürcüstanlı futbolçusu Nika Kvekveskirinin zədəsi isə daha ciddidi. Avroliqanın qrup mərhələsi çərçivəsində “Anderlext”lə görüşdən öncə xəsarət alan yarımmüdafiəçi təxminən 3 həftə yaşıl meydanlardan uzaq qalacaq.
Qeyd edək ki, “Qəbələ” – AZAL matçı saat 18:00-da start götürəcək.
Oxşar xəbərlər
Ana səhifə
Bütün xəbərlər