17 yaşadək futbolçulardan ibarət Azərbaycan Kubokunun qalibi müəyyənləşib. Apasport.az saytının məlumatına görə, Bakcell U-17 Liqasının iştirakçıları arasında bu gün keçirilən final matçından sonra “Qəbələ” kuboka sahib çıxıb.

Bayıl stadionunda baş tutan həlledici görüşdə Ramin Quliyevin yetirmələri “Bakı” ilə qarşılaşıb və 4:1 hesablı qələbə qazanıb.

Qarşılaşmadan sonra AFFA-nın İcraiyyə Komitəsinin üzvləri İskəndər Cavadov və Vaqif Sadıqov, həmçinin futbol veteranı Rüstəm Rəhimovun iştirakı ilə mükafatlandırma mərasimi keçirilib.

Qeyd edək ki, “Qəbələ”nin U-17 komandası bir neçə gün əvvəl də Bakcell U-17 Liqasını çempion kimi tamamlayıb.

• İstanbulda keçiriləcək İspaniya Superkubokunun stadionları açıqlanıb
• “Trabzonspor” – “Qalatasaray” matçının hakimi müəyyənləşib
• “Trabzonspor”un yeni baş məşqçisi bəlli olub
• Aksel Vitse Belçika millisindəki karyerasını başa vurub
• Almaniya millisinin heyəti açıqlandı: SANE DƏVƏT ALMAYIB