Azərbaycan Premyer Liqasının XXVI turunda “Kəpəz”lə qarşılaşacaq “Qəbələ” matçın hazırlığına bu gün start verib. Klubdan apasport.az saytına verilən məlumata görə, “qırmızı-qaralar”ın heyətlə bağlı bir problemi qalıb.

Uzun müddətdi ki, zədəli olan Vitali Vernidub hələ də sıraya dönməyib. Ukraynalı müdafiəçi Gəncə səfərində də komandasına kömək edə bilməyəcək. Baş məşqçi Roman Qriqorçuk digər futbolçuların isə xidmətindən yararlana biləcək.

“Qəbələ” Gəncəyə oyundan 1 gün əvvəl, yəni aprelin 15-də yola düşəcək. Komanda matçın hazırlığını orada tamamlayacaq.

Qeyd edək ki, ayın 16-da keçiriləcək “Kəpəz” – “Qəbələ” matçı saat 16:00-da start götürəcək. 

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq