Təlim-məşq toplanışını doğma şəhərdə keçən “Xəzər Lənkəran” hazırlığının ikinci günündə iki dəfə məşq edib. Apasport.az saytının məlumatına görə, yanvarın 9-da əvvəlcə səhər saat 10:30-da futbolçulardan normativlər götürülüb.

Ardıyca baza-oteldə az müddətli istirahətə çəkilən komanda saat 16:00-da stadionun ehtiyat meydançasında toplu çalışmalardan ibarət məşqə başlayıb.

Heyətdə hələlik Akif Tağıyev və Hacı Əhmədov olmaqla iki yeni futbolçu var. Yanvarın 13-də toplantı Bakıda davam etdirələrkən Tural Cəlilov da komandaya qoşulacaq.

Rasim Ramaldanovun isə geri dönüb-dönməyəcəyinə yanvarın 10-da tam aydınlıq gələcək. 

(12cioyuncu.info)

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır