"Bakı Metropoliteni" “Qəbələ” klubunun müraciətini müsbət cavablandırıb. Apasport.az saytı “Qəbələ”nin “facebook” səhifəsinə istinadən xəbər verir ki, Avropa Liqasının qrup mərhələsi çərçivəsində bu gün keçiriləcək “Qəbələ” – “Sent-Etyen” matçı ilə əlaqədar, metronun iş qrafikinə dəyişiklik edilib.

Belə ki, Bakı metrosunun iş qrafiki gecə saat 01:00-a kimi uzadılıb. Bu addım klub rəhbərliyinin  QSC-yə müvafiq müraciətindən sonra atılıb.

"Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev isə "APA-Economics"ə bildirib ki, sərnişin axını çox olduqda metro 01:00-dan sonra da fəaliyyət göstərə bilər. Paşayev əlavə edib ki, "Bakı Metropoliteni" QSC klub rəhbərliyi ilə koordinasiyalı şəkildə işləyəcək.

Qeyd edək ki, 8-ci km stadionunda keçiriləcək “Qəbələ” – “Sent-Etyen” matçı saat 22:00-da start götürəcək.

• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza