Yeni mövsümdən Topaz Premyer Liqasında çıxış edəcək "Kəpəz" klubu heyətinə daha iki yeni futbolçu qatıb. Apasport.az saytının məlumatına görə, Gəncə təmsilçisi müdafiə və yarımmüdafiə xəttini gücləndirib.
Belə ki, ötən mövsüm "Simurq"un formasını geyinən Tural Axundovla AZAL-ın sabiq futbolçusu Şəhriyar Rəhimov qarşıdakı mövsümü "Kəpəz"in heyətində keçirəcək.
Hər iki futbolçu Gəncə klubunun heyətinə qatılaraq, məşqlərə başlayıblar. Məlumatı saytımıza açıqlamasında "Kəpəz"in baş məşqçisi Şahin Diniyev də təsdiqləyib.
Qeyd edək ki, "Kəpəz" buna qədər Bəxtiyar Soltanov ("Qəbələ"), Tərlan Quliyev, Şəhriyar Əliyev (hər ikisi "Qarabağ", icarəyə), Ceyhun Cavadov, Tural Nərimanov (hər ikisi "Rəvan"), Rəşad Əzizli ("Simurq") və Azad Kərimovla ("Bakı") anlaşmışdı.
Oxşar xəbərlər
Ana səhifə
Bütün xəbərlər