[b]FİFA tapşırdı, AFFA “Bakı”nın 6 xalını sildi[/b]

13.01.2016 - 17:30

AFFA-nın İntizam Komitəsinin iclası keçirilib. Apasport.az saytının məlumatına görə, yığıncaqda FİFA-nın assosiasiyaya göndərdiyi məktuba baxılıb.

Bu sənəddə beynəlxalq futbol təşkilatının Nizam-İntizam Komitəsinin “Bakı” klubu haqqında qərar qəbul etdiyi bildirilib.

Belə ki, “Bakı” hollandiyalı futbolçusu Adnan Bərəkətlə arasında bağlanmış müqavilə şərtlərinə riayət etməməyi səbəbindən kluba cəza verilib. FİFA AFFA-nın İntizam Komitəsinə paytaxt təmsilçisinin hesabından 6 xal silinməsini tapşırıb.

Bunları nəzərə alan komitə Azərbaycan çempionatının I divizionunda çıxış edən "Bakı"nın cari mövsümdəki hesabından 6 xal silib.

Qeyd edək ki, bunadək 20 xalla 6-cı pillədə qərarlaşan “zolaqlılar” xal silinməsindən sonra 14 xalla 11-ci piləyə enib.

1	Neftçala	13	11	1	1	37-7	34
2	Qaradağ Lökbatan	13	10	2	1	33-14	32
3	Şəmkir	13	6	4	3	16-10	22
4	Ağsu	13	6	4	3	24-14	22
5	Bakılı	13	6	2	5	21-21	20
6	MOİK	13	5	3	5	16-16	18
7	Mil-Muğan	13	4	6	3	18-11	18
8	Zaqatala	13	4	4	5	17-18	16
9	Şərurspor	13	4	3	6	25-17	15
10	Turan Tovuz	13	4	3	6	18-16	15
11	Bakı	13	6	2	5	17-17	14*
12	Şahdağ	13	3	2	8	12-27	11
13	Göyəzən	13	1	2	10	7-27	5
14	Energetik	13	1	2	10	6-53	5