[b]Almeydadan tarixi qol[/b]

07.04.2018 - 18:08

Topaz Premyer Liqasının XXII turu “Qarabağ” üçün əlamətdar olub. Apasport.az saytının məlumatına görə, Ağdam təmsilçisi ölkə çempionatlarında 1100-cü qolu vurub.

Son illərin dəyişməz çempionu “Səbail”lə hazırda davam edən görüşə qədər 1099 dəfə fərqlənmişdi. 11-ci “yüzlüy”ü son iki turda təxirə salınan Qurban Qurbanovun yetirmələri matçın 31-ci dəqiqəsində yubiley qolunu vurmağa nail olub.

Qarşılaşmada “Qarabağ”ın ilk qolunun müəllifi olan Riçard Almeyda ağdamlıların 1100-cü topuna imza atıb.

1100 qolu 743 oyunda vuran “Qarabağ” 648 dəfə evdə, 437 dəfə səfərdə, 15 dəfə neytral meydanda qol vurub. Təbii ki, texniki nəticələr top fərqində nəzərə alınmamaqla.

Mehman Alışanov təkcə “Qarabağ”ın deyil, ümumiyyətlə, ölkə çempionatlarının ilk qolunu 26 il öncə vurubsa, 1000-ci top 2016-cı ilə təsadüf edib. “Səbail”lə görüşdən 738 gün əvvəl Muarem Muarem yubiley topunun müəllifi olmuşdu.

“Qarabağ”ın çempionatdakı tarixi qolları

N	Oyunçu	Rəqib	Yer	Dəq.	Mövsüm	Tarix
1	Mehman Alışanov	İnşaatçı(Sabitabad)	e	4	1992	03.05.1992
100	Səttar Əliyev	Xəzər (Sumqayıt)	e	68	1993/94	30.09.1993
200	Müşfiq Hüseynov	Kür-Nur (Mingəçevir)	e	-	1995/96	01.10.1995
300	Bəxtiyar Musayev	Neftçi (Bakı)	e	64	1997/98	22.11.1997
400	Elmir Xankişiyev	Şəfa (Bakı)	s	13	1999/2000	03.04.2000
500	Eldəniz Məmmədov	Şahdağ-Samur (Qusar)	s	89	2003/04	13.09.2003
600	Vasif Haqverdiyev	MOİK (Bakı)	e	14	2005/06	29.04.2006
700	Rəşad Sadiqov	Qəbələ (Qəbələ)	s	78	2009/10	06.12.2009
800	Rəşad Sadıqov	Sumqayıt (Sumqayıt)	s	21	2012/13	19.08.2012
900	Muarem Muarem	Neftçi (Bakı)	e	51	2013/14	27.04.2014
1000	Muarem Muarem	Rəvan (Bakı)	e	53	2015/16	30.03.2016
1100	Riçard Almeyda	“Səbail” (Bakı)	e	31	2017/18	07.04.2018

Qeyd edək ki, 1995/96 mövsümündə vurulan qolların dəqiqələri protokollarda göstərilməyib. Həmçinin texniki nəticələr və ləğv olunan matçlar statistikada nəzərə alınmayıb.