2018-ci ildə Argentinanın paytaxtı Buenos Ayresdə keçiriləcək Yeniyetmələrin Yay Olimpiya Oyunlarının futzal üzrə təsnifat mərhələsinə start verilib. Apasport.az saytının məlumatına görə, 17 yaşadək futzalçılardan ibarət Azərbaycan yığması Slovakiyada mübarizəyə başlayıb.

Yığmamız qrup mərhələsinin ilk matçında meydan sahibləri ilə qarşılaşıb. Slovakiya futzalçıları komandamıza qarşı amansız olublar – 12:0.

Qrupumuzdakı digər matçda Rusiya Hollandiyanı böyük hesabla məğlub edib – 7:2. Millimiz bu gün baş tutacaq II turda Rusiya ilə görüşəcək.