Rusiya yığmasının futbolçuları mart ayında bir neçə dəfə dopinq-testdən keçiblər. Apasport.az saytının yerli mətbuata istinadən məlumatına görə, ayın 20-27-si aralığında komandanın üzvləri 80-dən çox qan və sidik nümunəsi təqdim ediblər.

Oyunçular ilk olaraq martın 20-də və 21-də yoxlanılıblar. Həmçinin Braziliya (0:3) və Fransa (1:3) ilə yoldaşlıq görüşlərindən sonra bütün heyət bir daha testdən keçib.

Avropa Liqasının 1/8 final matçları da nəzərə alınmaqla, rusiyalı futbolçular martın 8-27-si aralığı 100-dən çox dopinq-test nümunələri veriblər. Martın 8-dən 21-nə qədər olan testlərin cavabları mənfi çıxıb. Son iki testin nəticələri ilə bağlı hələlik rəsmi məlumat yoxdu.

Qeyd edək ki, dünya çempionatı bu yay Rusiyada təşkil olunacaq.

• Messi 930-a çatdı – 75-ci cərimə zərbəsi qolu - VİDEO
• “Portu” “Benfika”nı belə məğlub etdi - VİDEO
• Mourinyo hakimi hədəfə aldı: "O, Yamalın dostudur"
• Madrid derbisində “Atletiko” qələbə qazandı
• “Yuventus” “Atalanta”nın qapıçısını transfer etmək istəyir