Türkiyə millisinin və “Qalatasaray”ın əfsanəvi futbolçularından olan Bülənt Korkmazın uğursuz məşqçilik karyerası davam etməkdədi. Apasport.az saytının məlumatına görə, 2 gün əvvəl “Mersin İdman Yurdu”ndan da qovulan çalışdırıcı karyerası ərzində 9-cu dəfə baş məşqçi postundan kənarlaşdırılıb.

Türkiyəli həmkarlarımız onun baş məşqçi kimi formalaşmayan karyerası ilə bağlı statistik yazı hazırlayıblar. O, 9 illik məşqçilik dövründə Azərbaycanda “Bakı”, vətənində “Qalatasaray”, “Gənclərbirliyi”, “Bursaspor”, “Mersin İdman Yurdu”, “Karabükspor”, “Medipol Başakşehir” və 2 dəfə “Ərciyyəspor”dan qovulub.

Korkmazın məşqçilik karyerasında ən uzun müddət postunda qalması isə 6 ayı əhatə edib. Mütəxəssisin bu rekordu da Azərbaycanda qeydə alınıb. 2012-ci il sentyabrın 29-dan 2013-cü il martın 22-dək “zolaqlılar”a rəhbərlik edən çalışdırıcı 7 ayını tamamlamağa  gün qalmış işsiz günlərinə davam edib. Bu da onun karyerasında ən uzun müddətli baş məşqçilik fəaliyyətidi. “Medipol Başakşehir”də 6 aylıq səddi adlayan Korkmaz 7-ci ayının 17 gününü iş başında olub.

2015-ci ilin sentyabrında Mersin təmsilçisi ilə 1 illik müqavilə imzalayan türkiyəli “Bakı”dakı rekordunu yeniləmək imkanı əldə etmişdi. Lakin cəmi 4 aydan sonra postundan ayrılan çalışdırıcı Azərbaycan nailiyyətini toxunulmaz saxlayıb.

• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı