[b]Debütantın ilk məğlubiyyəti[/b]

14.07.2017 - 00:13

Avropa Liqasının II təsnifat mərhələsinin ilk oyunları çərçivəsində keçirilən “Astra” – “Zirə” matçı iki uğursuzluqla əlamətdar olub. Apasport.az saytının məlumatına görə, Rumıniya təmsilçisinin 3:1 hesablı qələbəsi Azərbaycan klublarının mövsümdə ilk məğlubiyyəti olub.

Bunadək keçirilən 7 qarşılaşmada 6 qələbə qazanan komandalarımız 1 heç-heçə etmişdi. Məğlubiyyət həm də “Zirə”nin avrokuboklarda ilk uğursuzluğu olub.

Bunadək mövsümün hər iki matçında qalib gələn qəsəbə klubu debüt ilində ilk dəfə uduzub.