FİFA-nın tətbiq etdiyi transfer qadağasından sonra “Real” rəhbərliyi fəaliyyətə başlayıb. Apasport.az saytı xarici mətbuata istinadən xəbər verir ki, bu ilin yayında və gələn ilin qışında futbolçu almaq hüququndan məhrum olacaq madridlilər bunu nəzərə alaraq, hazırkı “transfer pəncərəsi”ndə fəallıq göstərməyə qərar veriblər.
“Kral klubu” transferlərə 350 milyon avro pul ayırıb.
Hazırkı baş məşqçi Zinəddin Zidan komandasında 5 yeni futbolçu görmək istəyir. Bunlar qapıçı David de Xea (“Mançester Yunayted”), müdafiəçi Con Stouns (“Everton”), yarımmüdafiəçi Eden Azar (“Çelsi”), həmçinin hücumçular Serxio Aquero (“Mançester Siti”) və Harri Keyndi (“Tottenhem”).
Hər bir oyunçu ilə danışıqlara artıq start verilib.
Qeyd edək ki, “Real” La Liqanın cari mövsümündə geridə qalan 19 turdan sonra 40 xalla turnir cədvəlinin 3-cü pilləsində qərarlaşıb.
Oxşar xəbərlər
Ana səhifə
Bütün xəbərlər