FİFA prezidenti Canni İnfantino yeni təkliflə çıxış edib. Apasport.az saytının xarici mətbuata istinadən məlumatına görə, futbol funksioneri daha bir turnirin keçirilməsinin tərəfdarıdı.
Belə ki, o, 8 yığma arasında 2021-ci ildən etibarən “8-lər finalı” adı altında mini-turnir təklif edib. Yarışın iki ildən bir, oktyabr və ya noyabr ayında təşkili planlaşdırılır. İnfantinonun sözlərinə görə, sponsorlar “8-lər finalı” və 2021-ci ildən yenilənmiş formatda keçirilməsi gözlənilən Klublararası Dünya Çempionatının təşkili üçün 25 milyard dollar ayırmağa hazırdılar.
4 ildən bir baş tutan Konfederasiyalar Kubokunun isə ləğv olunması gözlənilir. Bu təkliflər FİFA-nın şurasında müzakirə ediləcək və çox güman ki, müsbət qərar veriləcək.
Qeyd edək ki, Klublararası Dünya Çempionatının 24 komandanın iştirakı ilə keçirilməsi planlaşdırılır.
Oxşar xəbərlər
Ana səhifə
Bütün xəbərlər