“Barselona”nın yarımmüdafiəçisi Andres İnyesta karyerasını Çin çempionatında davam etdirməyə yaxındı. Apasport.az saytının “Catalunya Radio”ya istinadən məlumatına görə, 33 yaşlı futbolçu “Tyançzin Çyuançzyan” klubu ilə 3 illik müqaviləyə imza atıb. Müddətin sonunda saziş daha 1 il uzadıla bilər.

İnyestanın Asiyada üç il ərzindəki qazancının vergiləri çıxmaqla, 37 milyon avro olacağı bildirilir.

İspan futbolçu “Barselona”nın “Roma”ya 0:3 hesabı ilə uduzaraq, Çempionlar Liqası ilə vidalaşdığı matçın ardından, həmin oyunun onun üçün ÇL-də sonuncu ola biləcəyini demişdi.

Qeyd edək ki, Aksel Vitçel, Aleşandre Pato və Antoni Modest kimi futbolçular hazırda “Tyançzin Çyuançzyan” klubunun şərəfini qoruyurlar.

• Günün oyunları bu kanallarda - TV AFİŞA
• “Karyeramı “Barselona”da başa vurmaq istəyirəm”
• “Çelsi” Londonda darmadağın oldu - VİDEO
• "Fənərbaxça"da ciddi itki - MƏŞQDƏ ZƏDƏLƏNDİ
• Sabiq “Qalatasaray”lı saxlanılıb - NARKOTİKƏ GÖRƏ