[b]Lazımsızlar, “aradan çıxanlar” və istisnalar[/b]

29.12.2017 - 12:34

Azərbaycan Premyer Liqasında mövsümün ilk yarısı başa çatandan sonra 31 futbolçu klubundan ayrılıb. Apasport.az saytının məlumatına görə, 8 klubda yaşanan bu yarpaq tökümü əsasən iki qrupa ayrılır.

Birinci qrupda komandasına lazım olmayan futbolçulardı. Belə oyunçular yeni klub tapmağa və ya icarəyə getməyə məcbur olub.

İkinci qrup futbolçular isə daha yaxşı şərtlər dalınca qaçıb “aradan çıxanlar”dı. Təbii ki, heç bir qrupa uyğun gəlməyən istisnalar da var. Nizami Hacıyevlə Mirhüseyn Seyidov ömürlük futboldan uzaqlaşdırıldığı üçün “Keşlə”dən ayrılmaq məcburiyyətində qalıb. Venesuelada icarədə olan Edson Kastilyo “Neftçi”yə dönmədən paytaxt klubu ilə vidalaşıb.

Cənubi amerikalı kimi daha 5 oyunçu Premyer Liqada mövsümün ilk yarısında meydana çıxmadan klubunu dəyişib. Bunlardan üçü onunla eyni klubun üzvü olan Rahil Məmmədov, Maksim Vaylo və Aqşin Qurbanlıdı. Murad Səttarlı isə lazım olmadğı “Zirə”ni tərk edib. “Neftçi”nin heyətinə qatdığı Aqil Məmmədov isə “Qəbələ” üçün lazımsız olub. Ümumiyyətlə lazımsız oyunçuların əksəriyyəti özünə yeni komanda tapa bilib.

Klubundan ayrılanlar arasında ən faydalılar isə daha çox oyun keçirənlər sayılmalıdı. Hər halda meydanda lazım olubsa, deməli bu oyunçuya ehtiyac da olub. İlkin Qırtımov, David Manqa, Viktor Oseqeyl, Elnur Abdullayev və Mirsahib Abbasov komandalarında az qala bütün oyunlarda forma geyinsə də, qış fasiləsində ordan ayrılıb. Bu futbolçular hərəyə 1-2 matç buraxıblar.

Qışda klubunu dəyişənlər arasında qol sevinci yaşayanlar da var. Oseqeyl, həmçinin Nicat Qurbanovla Adrian Popoviçini hərəyə 1 qol vurmaları da klubunda saxlamayıb. Daha çox – 2 dəfə fərqlənən Nizami isə futboldan qovulub.

Klubundan ayrılanların ilk yarı göstəriciləri

əvvəlki klubu	Futbolçu (yeni klubu və ya qeyd)	OYUN	DƏQİQƏ	QOL	SARI VƏRƏQƏ	QIRMIZI VƏRƏQƏ
Keşlə	İlkin Qırtımov	13	1123	0	3	1
Zirə	David Manqa	13	635	0	0	0
Kəpəz	Viktor Oseqeyl	12	1005	1	0	0
Keşlə	Elnur Abdullayev (“Sumqayıt”)	12	979	0	1	0
Keşlə	Mirsahib Abbasov (“Zirə”)	12	626	0	1	0
Kəpəz	Samba Diallo	11	739	0	0	0
Keşlə	Mirhüseyn Seyidov (ömürlük cəza)	11	710	0	1	0
Keşlə	Samir Zərgərov (“Kəpəz”)	11	640	0	3	0
Səbail	Eqdaras Zarskis	10	869	0	0	0
Zirə	Qabriel Matey (“Bruk-Bet Termalitsa”)	10	795	0	2	0
Səbail	Adrian Popoviçi	9	667	1	0	0
Səbail	Renan Telles	9	505	0	1	0
Keşlə	Nizami Hacıyev (ömürlük cəza)	8	592	2	1	0
Qəbələ	Ekiqo Ehiosun	6	279	0	2	0
Səbail	Amit Quluzadə	6	202	0	0	0
Qarabağ	Elşən Abdullayev (“Zirə”)	5	309	0	0	0
Zirə	Nicat Qurbanov (“Sumqayıt”)	5	111	1	1	0
Neftçi	Pavel Dreksa (“Karvina”)	4	346	0	1	0
Neftçi	Məqsəd İsayev (“Keşlə”)	4	271	0	0	0
Qəbələ	Roman Hüseynov (“Kəpəz”)	4	190	0	0	0
Neftçi	Fəhmin Muradbəyli (“Səbail”)	4	181	0	1	0
Səbail	Təyyar Məmmədov (“Neftçi”/“Sabah”)	4	38	0	0	0
Səbail	Yamin Ağakərimzadə	3	99	0	0	0
Kəpəz	Mansur Aladji	3	46	0	0	0
Qarabağ	İbrahim Aslanlı (“Zirə”)	1	45	0	0	0
Zirə	Murad Səttarlı (“Kəpəz”)	0	0	0	0	0
Neftçi	Rahil Məmmədov (“Səbail”)	0	0	0	0	0
Neftçi	Maksim Vaylo (“Sabah”)	0	0	0	0	0
Neftçi	Edson Kastilyo (icarədən qayıtmayıb)	0	0	0	0	0
Neftçi	Aqşin Qurbanlı (“Səbail”)	0	0	0	0	0
Qəbələ	Aqil Məmmədov (“Neftçi”)	0	0	0	0	0