“Barselona”nın argentinalı futbolçusu Lionel Messi sıraya dönüb. Apasport.az Kataloniya klubunun saytına istinadən xəbər verir ki, zədəsini sağaldan 28 yaşlı hücumçu artıq komanda ilə birgə məşqlərə başlayıb.

“Atletik”lə çempionat görüşünün gedişində zədələnən Messi fasilədə əvəzlənmək məcburiyyətində qalmışdı. Təcrübəli forvard bu səbəbdən bilbaolularla keçirilən kubok matçında meydana çıxmamışdı.

Messinin La Liqanın XXI turu çərçivəsində “Malaqa” ilə keçiriləcək oyunda komandasına kömək edəcəyi gözlənilir. Həkimlər Argentina yığmasının üzvünün bu görüşə hazır olduğunu bildiriblər.

Qeyd edək ki, “Malaqa” – “Barselona” qarşılaşması sabah Bakı vaxtı ilə 19:00-da start götürəcək.

• Dzeko “1000”i geridə qoyub
• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"