2018-ci ildəki ilk rəsmi matçlarını Türkiyənin Antalya şəhərində keçirəcək Azərbaycan milli komandası tarixində 3-cü dəfə bu məkanda oynayacaq. Apasport.az saytının məlumatına görə, yığmamız indiyədək 2 dəfə bu şəhərdə yoxlama görüşündə qüvvəsini sınayıb.

İlk belə matç 2008-ci ilə təsadüf edib. Fevralın 3-də baş tutan matçda millimiz Qazaxıstanla görüşüb. 90 dəqiqə ərzində qol vura bilməyən rəqiblər sülhə razılaşıb.

8 ildən sonra yığmanın yolu yenidən Antalyaya düşüb. 2016-cı il martın 26-da keçirilən matçda rəqib yenə Qazaxıstan olub. Komandamız 2008-ci ildəki kimi yenə meydanda qolsuz ayrılıb. Amma bu dəfə Qazaxıstan futbolçuları minimal hesablı qələbəni bayram edə bilib – 1:0.

Beləliklə, Antalyada nəinki qələbə, hətta qola da həsrət yığmamız yanvarın 30-da Moldova, fevralın 2-də Gürcüstanla qarşılaşmaıarda bu uğursuz ənənəni qırmağa çalışacaq.

Qeyd edək ki, hər iki görüş “Mardan” stadionunda baş tutacaq.

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb