Almaniyanın 2-ci Bundesliqasında mövsümə yekun vurulub. Apasport.az saytının məlumatına görə, Azərbaycan millisinin futbolçusu Dmitri Nazarovun çıxış etdiyi “Aue” son turda “Darmştadt”ın qonağı olub.

Start heyətində yer alan təmsilçimiz 79-cu dəqiqədə əvəzlənib. Onun komandası 0:1 hesabı ilə uduzub.

Bu məğlubiyyət “Aue”nin aşağı dəstəyə yuvarlanmaq riski ilə nəticələnib. 34 oyunda 40 xal toplayan komanda 18 iştirakçı arasında 16-cı olub və 2-ci Bundesliqada qalmaq üçün pley-off oynayacaq.

Nazarov və komandası mayın 18-də və 23-də “Karlsue” ilə görüşəcək. “Aue” ilk oyunu səfərdə keçirəcək.

Qeyd edək ki, mövsümün yekunlarına görə “Fortuna” və “Nürnberq” Bundesliqaya yüksəlibsə, “Holsteyn Kyel” bunun üçün pley-off səddini keçməlidi.

• Poqba MLS klubu ilə danışıqlar aparır
• "Bavariya" və "Çelsi" "Atletiko"nun futbolçusu üçün 70 milyon avro ödəməyə hazırdır
• "Qalatasaray"ın yeni transferi zədələndi
• "Real" Vinisiusun boşluğunu onlarla dolduracaq
• "Roma"da ciddi itki