[b]Nazim Süleymanov millinin baş məşqçisi postuna gətirildi[/b]

13.04.2015 - 10:22

19 yaşadək futbolçulardan ibarət Azərbaycan millisinin baş məşqçisi müəyyənləşib. Apasport.az saytının məlumatına görə, bu vəzifə Nazim Süleymanova həvalə olunub.

AFFA-nın rəhbərliyi Məşqçilər Komitəsinin tövsiyəsini nəzərə alaraq, bu qərarı verib. Süleymanov Nikolay Adamın komandadan ayrılmasından sonra boş qalan U-19-un baş məşqçisi postunu tutub.

Qeyd edək ki, əvvəllər ölkəmizin əsas yığmasında da çalışmış Süleymanov 1 qarşılaşmada baş məşqçi vəzifəsini icra edib.