“Mançester Siti”nin futbolçusu Serxio Aquero yeni rekorda imza atıb. Apasport.az saytının məlumatına görə, argentinalı İngiltərə Premyer Liqasında ən çox qol vuran qeyri-avropalı olub.

Belə ki, onun “Liverpul”la matçda vurduğu ilk top Premyer Liqada 124-cü olub. Bununla da Aquero Duayt Yorkun rekordunu arxada qoyub. Karyerasını 2009-cu ildə başa vuran trinidad və tobaqolunun hesabında 123 top var.

Qeyd edək ki, “Mançester Siti” “Liverpul”u 5:0 hesabı ilə darmadağın edib.