DÇ-2018-in seçmə mərhələsində keçiriləcək Şimali İrlandiya – Azərbaycan oyunu ərəfəsində təşkil olunacaq mətbuat konfranslarının və açıq məşqlərin vaxtı açıqlanıb. Apasport.az saytının məlumatına görə, noyabrın 11-də Belfast şəhərindəki “Vindzor Park” stadionunda baş tutacaq matçdan bir gün öncə baş məşqçilər media nümayəndələri önünə çıxacaq.

Noyabrın 10-da Bakı vaxtı ilə saat 16:45-də Böyük Britaniya təmsilçisinin baş məşqçisi Maykl Onil mətbuat konfransı keçirəcək. Azərbaycan millisinin çalışdırıcısı Robert Prosineçki isə 23:15-də jurnalistlər önünə çıxacaq.

Həmin gün saat 15:00-da Şimali İrlandiya, 23:45-də isə Azərbaycan yığmasının ilk 15 dəqiqəsi mətbuat üçün açıq məşqi baş tutacaq.

• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza
• Afrika Millətlər Kubokunun təqvimi dəyişdi – 2029-cu il ləğv edildi
• Messinin böyük qayıdışı təxirə düşür: Mayamidə xoşbəxtdir
• İngiltərə Liqa Kuboku: “Everton” 1/4 finalda