“Borclu olduğumuz futbolçulardan 1-2-sini çıxmaq şərtilə qalanları ilə problemi yoluna qoymuşuq. Bununla bağlı sənədləri də UEFA-ya göndərmişik”. Bunu apasport.az saytına açıqlamasında “İnter” klubunun prezidenti Rəşad Qasımov deyib.
UEFA borclu olduğu futbolçularla problemi yoluna qoyması üçün “bankirlər”ə yanvarın 31-dək vaxt vermişdi. Daha sonra isə bu müddəti bir qədər də artırmışdı. Paytaxt təmsilçisi də bundan yararlanaraq, FİFA-ya şikayət edən oyunçulara borcların ödənilməsi məsələsində ortaq məxrəcə gəlməyə çalışır.
Qasımov onlara avrokuboklardan uzaqlaşdırılma cəzasının verilməyəcəyinə inandığını söyləyib: “İnter” klubu artıq UEFA-nın tələblərini yerinə yetirməyə qadirdi. Sponsordan vəsaitlərin alınması məsələsi demək olar həll edilib. UEFA nümayəndəsinin burda olması yəqin ki, bizə kömək olacaq. AFFA-nın baş katibi Elxan Məmmədov onlarla bu məsələni müzakirə edəcək. UEFA gələn həftə bununla bağlı yekun qərarını açıqlayacaq. İnanıram ki, bu canfəşanlığımız öz bəhrəsini verəcək”.
Oxşar xəbərlər
Ana səhifə
Bütün xəbərlər