Avropa Liqasının qrup mərhələsində “Sent-Etyen”lə qarşılaşacaq “Qarabağ” Fransaya ciddi itkilərlə gedəcək. Apasport.az saytının məlumatına görə, Ağdam klubunun aparıcı üzvü Reynaldo komandasına kömək edə bilməyəcək.

Ötən gün “Qarabağ”ın AZAL-la oyunöncəsi məşqində zədələnən braziliyalı hücumçunun “yaşıllar”la matçda meydana çıxmayacağı dəqiqləşib. Bu gün “təyyarəçilər”lə (2:1) başa çatan matçda komandasının oyununu kənardan izləyən “sambaçı”nın durumu ilə bağlı baş məşqçi Qurban Qurbanov da məlumat verib.

Gənc çalışdırıcı qarşılaşmadan sonra keçirilən mətbuat konfransında bildirib ki, “Sent-Etyen”lə görüşdə həm Reynaldonun, həm də Diasın xidmətindən istifadə etməyəcək.

Qeyd edək ki, “Sent-Etyen” – “Qarabağ” matçı noyabrın 27-də keçiriləcək. Oyun Bakı vaxtı ilə saat 00:05-də başlayacaq.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı