[b]Ruslan Qurbanov qol vurdu, komandası darmadağına sevindi[/b]

18.05.2015 - 09:06

Millimizin üzvü Ruslan Qurbanovun formasını geyindiyi Xorvatiyanın “Hayduk” klubu yoldaşlıq oyunu keçirib. Apasport.az saytının məlumatına görə, splitlilər aşağı liqa təmsilçisi “Varteks”lə qarşılaşıblar.

1000-ə yaxın azarkeşin izlədiyi görüş “Hayduk”un böyükhesablı qələbəsi ilə yekunlaşıb. Belə ki, Qurbanovun komandası rəqib qapısından 4 cavabsız top keçirib.

İlk “11-lik”də yer almayan Ruslan ikinci hissədə meydana daxil olub. Buna baxmayaraq, o, fərqlənməyə imkan tapıb.

Qurbanov 78-ci dəqiqədə komandasının 3-cü qolunu vurub. “Hayduk”un digər qollarına isə Benjamin Dəmir, Fran Tüdor və Kristian Pulyiç imza atıblar.