[b]Topaz Premyer Liqasının “qapazaltı” komandası[/b]

10.04.2015 - 14:30

Topaz Premyer Liqasının 2014/15 mövsümünün ilk “qapazaltı” komandası müəyyənləşib. Apasport.az saytının məlumatına görə, XXIX turun səfər oyununda da “Qarabağ”a məğlub olan AZAL mövsümdə 4-cü dəfə ağdamlılarla qarşılaşmanı xalsız tərk edib.

Rəqibinə 12 xal verən “təyyarəçilər” mövsümün ilk belə uğursuzu olub. IV dövrədə üz-üzə gələn digər 7 cütün heç birində komandalardan biri digərinə aşkar üstələməyib.

Son görüşdə əzmkar qələbə qazanan “Qarabağ” hər iki ev oyununda 3 xalı eyni – 2:1 hesabı ilə qazanıb. AZAL-ın meydanında qol buraxmadan quru qələbələrə sevinən Qurban Qurbanovun yetirmələri əvvəl böyük, sonra minimal hesabla qalib gəlib.

4 oyunun ümumi nəticəsində isə “Qarabağ” 8, AZAL 2 qol vurub. Leroy Corc və Reynaldo Silva bu matçlarda 2 dəfə fərqlənib. Sonuncu hər iki səfər qarşılaşmasında qola sevinibsə, hollandiyalı ilk və son dueldə rəqib qapısına yol tapıb.

V tur

13 sentyabr (şənbə)

AZAL – “Qarabağ” – 0:3

Marinaldo Silva, 20; Leroy Corc, 42; Reynaldo Silva, 66 XIII tur

23 noyabr (bazar)

“Qarabağ” – AZAL – 2:1

İlqar Qurbanov, 30; Eltun Yaqublu, 57 (ö.q) - Rəşad Abdullayev, 61 (p.)

XXI tur

11 fevral (çərşənbə)

AZAL – “Qarabağ” – 0:1

Reynaldo Silva, 57

XXIX tur