“Fənərbağça” və “Başakşəhər” klublarının, eləcə də Türkiyə millisinin heyətində çıxış etmiş Bəkir İrtegün həbs edilib. APA-nın “Hürriyet”ə istinadən verdiyi məlumata görə, İrtegünün "Fətullahçı Terror Təşkilatı"nın (FETÖ) internetdə kriptolu xəbərləşmə proqramı olan "ByLock" istifadəçisi olduğu müəyyənləşdirilib.

Onun daha əvvəl ölkə xaricinə getmək cəhdi polis tərəfindən əngəllənib və ölkədən çıxışına qadağa qoyulub. Bundan sonra futbolçu prokurorluğa müraciət edərək telefonuna "ByLock" proqramının kim tərəfindən yükləndiyi və kimlərlə danışdığı barədə məlumat verib. Prokurorluq isə onun həbsinə sanksiya verib.

Bəkir bu gün İstanbul polis idarəsinin mütəşəkkil cinayətkarlıqla mübarizə şöbəsinə gedərək təslim olub.

Qeyd edək ki, Bəkir İrtegünün son komandası "Başakşəhər" olub. Klub onunla müqaviləni ləğv edib.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı