Azərbaycan klubları 2014/15 mövsümündə avrokuboklarda çıxışa görə qazandıqları vəsaiti alıb. Apasport.az saytının məlumatına görə, UEFA-nın təmsilçilərimizin təsnifat mərhələlərindəki nəticələrinə əsasən qazandığı məbləği AFFA-nın, sonuncular isə klubların hesabına köçürüb.

Ölkəmizin 4 klubu təsnifat mərhələlərində ümumilikdə 1 milyon 365 min avro əldə edib. Çempionlar Liqasında “Qarabağ” mübarizəni 3-cü seçmə mərhələsində dayandırdığı üçün 575 min avro əldə edib.

Avropa Liqasında pley-offadək irəliləyən “Neftçi” 420, 2-ci təsnifat mərhələsində dayanan “İnter” 250, elə ilk dueldə çıxışını başa vuran debütant “Qəbələ” 120 min avro əldə edib.

Qeyd edək ki, Avropa liqasının qrupuna düşən “Qarabağ”ın qazandığı 1,3 milyon avro da klubun hesabına köçürülmüşdü.

• Türkiyədə tarixi təyinat – 22 yaşlı qadın baş məşqçi oldu
• Acun Ilıcalıdan iddialı sözlər – “Las-Veqası onların ayağına gətirəcəyəm”
• “Liverpul”da nəhəng müqavilə: ”TURKİSH AİRLİNES”
• İlin ən yaxşı futbolçusu adına namizədlər açıqlanıb
• “Trabzonspor”dan Vitor Pereyra həmləsi – Danışıqlar başlayıb