İtaliyalı mütəxəssis Marko Tardelliyə AFFA tərəfindən təklif edilən müqavilənin bəzi şərtləri müəyyənləşib. Apasport.az saytının əldə etdiyi məlumata görə, assosiasiya rəsmiləri 60 yaşlı mütəxəssisə 3 illik anlaşma irəli sürüb.

Bu da onunla bağlıdı ki, Tardelli AVRO-2016-nın seçmə mərhələsinin gedişində yığmamızın “sükanı arxası”na keçsə, növbəti tsikldə də postunda qalsın. Yəni, italiyalı Foqtsla başlayıb, Mahmud Qurbanovla davam etdirdiyimiz cari mərhələ yekunlaşdıqdan sonra DÇ-2018-ə vəsiqə uğrunda matçlarda da komandamıza başçılıq edəcək.

Qeyd edək ki, bu məsələnin yaxın günlərdə rəsmiləşəcəyi gözlənilir. Çünki İtaliya mətbuatı hər 2 tərəfin bu danışıqların müsbət başa çatacağının tərəfdarı olduğunu xüsusi vurğulayıb. 

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı