AVRO-2016-nın seçmə mərhələsində Xorvatiya ilə Osiyekdə keçirilən qarşılaşma daha bir futbolçunun Azərbaycan millisində debütü ilə əlamətdar oldu. Apasport.az saytının məlumatına görə, matçın 30-cu dəqiqəsində meydana daxil olan Ağabala Ramazanov karyerasında ilk dəfə əsas yığmada çıxış etdi.

Cəmi 11 dəqiqə meydanda olan hücumçu Azərbaycan yığmasında oynayan futbolçuların sayını 196-ya çatdırdı. 0:6 hesablı məğlubiyyətimizlə nəticələnən qarşılaşmayadək 209 matçda 195 futbolçunun şərəfini qoruduğu komandamızın 196-cısı Ağabala oldu.

Ramazanov 2014-cü ildə millidə debüt edən 9-cu oyunçu kimi tarixə düşüb.

Belə ki, Filippinlə matçda (1:0) Tuğrul Erat, Elvin Yunuszadə və İlkin Qırtımov, ABŞ-la görüşdə (0:2) Abdulla Abatsiyevlə Dmitri Nazarov, Özbəkistanla görüşdə (0:0) Emin Nuri, Bolqarıstanla matçda (1:2) Tərlan Quliyev bu siyahıya daxil olmuşdu.

Bu 196 nəfərlik siyahıya isə Rəşad Sadıqov başçılıq edir. Yığmamızın oyun sayında rekordçusu olan 32 yaşlı müdafiəçi komandada 93 matça çıxıb. Bəzi mənbələr bu rəqəmi şişirtsə də, kapitanın 100-ə 7 oyunu qalıb. Rəşad böyük fərqlə izləyicilərini arxada qoyur.

• Türk Hava Yolları “Liverpul”a sponsor oldu - 5 il üçün 300 milyon funt
• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ