Almaniya Federasiya kubokunda bütün yarımfinalçıların adları bəlli olub. Apasport.az saytının məlumatına görə, 1/4 final mərhələsində gecənin hər iki qarşılaşması gərginliyi ilə yadda qalıb.
Belə ki, son yarımfinalçılar 120 dəqiqə ərzində müəyyənləşməyincə, penaltilərə ehtiyac yaranıb. Gecənin ilk oyununda isə sürpriz nəticə qeydə alınıb. Almaniyanın 3-cü liqasında şəriksiz lider “Arminiya” yarımfinal mərhələsinə keçib. Komanda, bundesliqada medallar uğrunda mübarizə aparan Mönxenqladbaxın “Borussiya”sı ilə əsas və əlavə vaxtı 1:1 hesabı ilə başa vurub. 11 metrlik cərimə zərbələrini isə daha yaxşı yerinə yetirib (5:4).
Gecənin digər matçı da penaltilərə qədər uzanıb. Qolsuz bərabərliyin ardından “Bavariya” “Bayer”in ümidlərini boşa çıxarıb (5:3).
Xatırladaq ki, bir gün əvvəl “Volfsburq” “Frayburq”u minimal hesabla üstələyərək yarımfinala adını yazdırıb. Digər qarşılaşmada Dortmundun “Borussiya” klubu “Hoffenhaym”a əlavə vaxtda qalib gəlib (3:2).
Oxşar xəbərlər
Ana səhifə
Bütün xəbərlər