Bu gün AFFA-nın İntizam Komitəsinin iclası keçirilib. Apasport.az saytının məlumatına görə, yığıncaqda Azərbaycan kubokunun 1/4 final mərhələsinin ilk oyunlarında baş verən hadisələr də müzakirə olunub və müvafiq qərarlar çıxarılıb. Nəticədə 5 klub cərimələnib.

“İnter” – “Neftçi” matçında 4 futbolçusu sarı vərəqə ilə cəzalanan meydan sahibləri min manat cərimə olunub. “Neftçi” isə azarkeşləri tərəfindən pirotexniki vasitələrdən istifadə edildiyi üçün eyni məbləği ödəməli olacaq. “Rəvan” – “Bakı” görüşündə 4 futbolçusu sarı vərəqə ilə cəzalanan qonaqlar da min manat ziyana düşüb.

“Araz Naxçıvan” – “Xəzər Lənkəran” matçının 73-cü dəqiqəsində texniki zona qaydalarını pozan inzibatçı Yunis Məhərrəmov 1 oyunluq cəzalanıb və meydan sahiblərini 100 manat xərcə salıb. Oyunun 90+3-cü dəqiqəsində ikinci sarı vərəqə aldığı üçün meydandan kənarlaşdırılan Alvaro Silva da 1 oyunluq cəza alıb. İspan müdafiəçi üçün “Xəzər Lənkəran” 200 manat ödəyəcək.

• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər
• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu